४५ लाख किमतीचा शासकीय मालाची अफरातफर

berartimes.com
गोरेगाव,दि.१६- दारिद्यरेषेखालील नागरिकांना शासनाकडून कमीत कमी दरांवर रेशन दुकानांच्या माध्यमातून गहू, तांदूळ, आदि खाद्य उपलब्ध केले जाते. परंतू सरकारकडून पाठविलेल्या रेशनाचे .काळाबाजारी करत गरीबांच्या तोंडातील घास हिसकावून घेत सुमारे ४५ लाख रुपयाच्या शासकीय धान्याची अफरातफर केल्याप्रकरणी गोरेगावचे तहसिलदार कल्याणकुमार डहाट यांनी पोलीसात तक्रार नोंदविली आहे.गोरेगाव तालुक्यातील शासकीय गोदामातून जून ते जूर्ले २०१६ या काळातील दस्तावेजाची तपासणी जिल्हा पुरवठा अधिकारी व तहसिलदार गोरेगाव यांच्या कार्यालयाने पाहणी केली असता रेशनच्या धान्याची अफरातफर झाल्याचे दिसून आले.शासकिय धान्य दुकानाचे वाहतूक दस्तावेजची चौकशी केल्यानंतर हे प्रकरण समोर आले. विभागीय चौकशी बसवून आवक-जावक रजिस्टरची तपासणी केल्यानंतर जुन २०१६ ते जुलै २०१६ या कालावधीत ८३० क्विंटल गहू, किंमत १७ लाख १७ हजार ५५७ रूपये तसेच ९५७ क्विंटल तांदूळ किंमत २७ लाख ९० हजार ८९२ रूपये या प्रकारे ४५ लाख ८ हजार ४६९ रूपयांच्या मालाची अफरातफर झाल्याचे समोर आले. शासकिय गोदामातून माल अफरातफर करणारा गोदामलिपीकाने टिपीपासेसमध्ये हेराफेरी करीत बोगस आकडे व टिपी दाखवून शासकिय गोदामात ठेवलेल्या गहु, आणि तांदूळाची अफरातफर केल्याचे चौकशीत समोर आले.
पोलीस सुत्रांकडून मिळालेल्या माहिती नुसार ई-रजिस्टर मध्ये गोदाममध्ये येणा-या व जाणा-या मालांत गडबड करत वाहतूक कॉन्टड्ढक्टर बिल तसेच कार्यालयामध्ये सादर केली गेलेली ओरीजनल पासेस तपासले असता टिपीमध्से फरक असल्याचे दिसून आले. शासकिय गोदामाचे ३ महिन्याचा रिकॉर्ड तपासले गेले तेव्हा गव्हाचे १० टिपी आणि तांदळांच्या टिपी पासेसमध्ये हेराफेरी असल्याचे समोर आल्यानंतर हेराफेरीमध्ये सहभागी असलेल्या तत्कालीन गोदाम किपर गुलाम सरवर खान(हल्लीमुकाम तिरोडा) विरूध्द गोरेगाव पोलीस स्टेशन येथे अप.क्र. ६३/२०१६ कलम ४०८ भांदवि सहकलम ३,७ अत्यावश्यक वस्तू अधिनीयम १९५५ अन्यवे गुन्हा नोंद करण्यात आला. सदर गुन्ह्याचा तपास पोनि सुरेश कदम करीत आहेत.