गोंदिया,दि.03 – राज्यात शेतकऱ्यांसाठी 34 हजार कोटी रुपयांची कर्जमाफीची घोषणा केल्यानंतर कुठल्या जिल्ह्यात किती शेतकऱ्यांना कर्जमाफी मिळणार,कर्जमाफीसाठी काय करावे लागणार यावर सरकारने वेळोवेळी आपले धोरण बदलविले.त्या धोरणाचा फटका चांगलाच शेतकर्यांना बसला आहे.
राज्य सरकारच्या कर्जमाफीचा फायदा गोंदिया जिल्ह्यातील 68 हजार 290 शेतकर्याना मिळणार असे सरकारचे म्हणने असले तरी आॅनलाईन अर्ज भरण्याच्या प्रकियेमुळे यातील किती शेतकरी या योजनेचा लाभ घेऊ शकतील याबद्दल शंकाच आहे. त्यातच गोंदिया जिल्ह्यात कर्जमाफीचे अर्ज भरण्यासाठी सेतू केंद्रावर सुध्दा रांग लावण्याची वेळ आली असून लोक पहाटेपासूनच सेतू केद्राकडे जाऊ लागले आहेत.राज्याचे सामाजिक न्याय मंत्री व गोंदियाचे पालकमंत्री असलेले राजकुमार बडोले यांच्या मतदारसंघातील सौदंड येथे आज शनिवारला पहाटे पाच वाजेपासूनच काही महिला पुुरुष शेतकर्यांनी हजेरी लावली तर प्रीतम गोबाडे यांच्या नुसार रात्री दोन वाजेपासूनच सेतू केंद्रात आनलाईन अर्ज भरण्याचे काम सुरु असल्याचे म्हटले आहे.
