आयएमए गोंदिया नवीन कार्यकारिणी पदग्रहण सोहळा

गोंदिया,दि.25ः- येथील आयएमए(  Indian medical association Gondia)  चा पदग्रहण सोहळा गोंदियाचे प्रसिध्द बालरोगतज्ज्ञ डॉक्टर सुधीर जोशी यांच्या अध्यक्षतेखाली  आयएम सभागृहात पार पडला. डॉक्टर निर्मला जयपुरीया यांनी अध्यक्षपदाची शपथ घेतली तसेच सचिव पदावर डॉ. संजय डी. भगत यांची निवड करण्यात आली. कोषाध्यक्ष म्हणून डॉक्टर नरेश मोहरकर यांची नियुक्ती करण्यात आली. या समारंभात डॉक्टर सोमानी, डॉ. राजेंद्र जैन, डॉ. पुरोहित, डॉ.बाहेकर,डॉ.बग्गा, डॉ. जयपुरिया, डॉ.घनश्याम तुरकर,डॉ.धारस्कर, डॉ.चिटणवीस तसेच सर्व आयएमए सदस्य उपस्थित होते.आयएमए  अध्यक्ष डॉ. संजय अग्रवाल तसेच सचिव डॉ. निलेश जैन यांनी त्यांच्या कारकिर्दीतील केलेल्या कामाचा आढावा दिला. मावळते कोषाध्यक्ष डॉ. आनंद इसरका यांनी प्रास्तविक केले.डॉ.निर्मला जयपुरीया यांनी तपासणी शिबिर, डॉक्टर रुग्णातील संबध, वृक्ष लागवड, पर्यावरण संवर्धन यांच्यावर विचार व्यक्त केले.आभार नवनियुक्त सचिव डॉ. संजय डी भगत यांनी मानले.