वाशिम, दि.28 : ऑल इंडिया ऑरगनायझेशन ऑफ केमिस्ट ॲन्ड ड्रगिस्ट यांनी प्रस्तावित ई–पोर्टलवर नोंद करुन औषध खरेदी–विक्री करावी या प्रस्तावाच्या विरोधात 28सप्टेंबर रोजी सर्व रिटेल व होलसेल औषध विक्री बंद ठेवण्याचा निर्णय घेतला आहे तसे प्रशासनाला या संघटनेने कळविले आहे. तथापी तातडीच्या परिस्थीतीत रुग्णांना औषधे उपलब्ध व्हावीत म्हणून महत्वाच्या दूरध्वनी क्रमांकाबाबत जिल्हा प्रशासन, जिल्हा पोलीस प्रशासन, इंडियन मेडिकलअसोसिएशन, नॅश्नल इंटिग्रेटेड मेडिकल असोसिएशन यांना माहिती देण्यात आली असून वैद्यकीय व्यवसायीकांनी एक दिवस पुरेल ऐवढा औषध साठा त्यांच्याकडे उपलब्धकरण्याबाबत विनंती करण्यात आली आहे.
प्रधानमंत्री भारतीय जनऔषधी केंद्रे, जेनेरिक मेडिकल स्टोअर्स, हॉस्पीटलशी संलग्न काही दुकाने व शासकीय रुग्णालयांशी संबंधित औषध दुकाने बंदमध्ये सहभागीनसल्याने त्यांना त्यांच्याकडे अतिरिक्त औषध साठा ठेवण्याची विनंती करण्यात आली आहे. तसेच नागरीकांना आवाहन करण्यात आले आहे की, त्यांना नियमितपणे लागणाऱ्याऔषधांचा साठा औषध विक्रेत्यांचा बंद सुरु होण्याआधिच त्यांच्याकडे करुन घ्यावा. जेनेकरुन गैरसोय टाळता येईल. जनतेला आवश्यक वेळेत व नियमित औषध उपलब्ध करणेहे परवाना धारकाचे, प्रशासनाचे व शासनाचे कर्तव्य आहे. औषध विक्रेत्यांच्या बंदच्या काळात औषध उपलब्धतेबाबत ग्राहकांना अन्न व औषध प्रशासन विभागाच्या 0724-2420277 या दूरध्वनी क्रमांकावर किंवा औषध निरिक्षक तथा सहायक आयुक्त (औषधे) श्री एच. वाय. मेतकर यांच्या 9730155370 या भ्रमणध्वनीवर संपर्क साधावा.