मतदान यंत्रांची प्रथम सरमिसळ प्रक्रिया पूर्ण

• विधानसभा मतदारसंघनिहाय वितरण

वाशिम, दि. २५ : लोकसभा सार्वत्रिक निवडणुकीसाठी विविध ठिकाणाहून जिह्याला प्राप्त झालेल्या बॅलेट युनिट, कंट्रोल युनिट व व्हीव्हीपॅट या मतदान यंत्रांच्या प्रथम सरमिसळीकरणाची प्रक्रिया (फर्स्ट रॅण्डमायझेशन) संगणकीय प्रणालीच्या सहाय्याने आज जिल्हाधिकारी कार्यालयात पूर्ण झाली. जिल्हाधिकारी तथा जिल्हा निवडणूक अधिकारी हृषीकेश मोडक यांच्या मार्गदर्शनाखाली झालेल्या सरमिसळ प्रक्रीयेनंतर वाशिम येथील स्ट्राँगमध्ये ठेवण्यात आलेल्या मतदान यंत्रांचे  विधानसभा मतदारसंघ निहाय वितरण करण्यात आले.

यावेळी उपजिल्हा निवडणूक अधिकारी संदीप महाजन, महसूलचे उपजिल्हाधिकारी तथा मतदान यंत्र व्यवस्थापन समितीचे नोडल अधिकारी अधिकारी रमेश काळे, जिल्हा सूचना व विज्ञान अधिकारी सागर हवालदार, नायब तहसीलदार प्रकाश डाहोरे, वाशिम तहसील कार्यालायचे निवडणूक नायब तहसीलदार दीपक दंडे यांच्यासह राजकीय पक्षांचे प्रतिनिधी उपस्थित होते.

जिल्ह्यात प्रत्येक विधानसभा मतदारसंघनिहाय मतदान केंद्राच्या संख्येपेक्षा वीस टक्के जादा मतदान यंत्रे संबंधित मतदार संघांच्या सहाय्यक निवडणूक निर्णय अधिकाऱ्यांना वितरीत करण्यात आली आहेत. दुसऱ्या टप्प्यातील सरमिसळ प्रक्रिया लोकसभा मतदारसंघस्तरावर होणार आहे.

वितरीत मतदान यंत्रांचा तपशील