तिरोडा,दि.6- : आदर्श शिक्षक म्हटले की साने गुरूजी आठवतात. शिक्षकी पेशाला मोठी परंपरा आहे. आज जगात ज्ञानाची क्रांती झाली असताना विद्यार्थ्यांच्या शैक्षणिक विकासात शिक्षकांची भूमिका महत्त्वाची आहे. त्यांच्या अनेक समस्या असल्या तरी त्यावर मात करून त्यांनी आपले काम योग्य प्रकारे करावे, अशी अपेक्षा सामाजिक न्यायमंत्री तथा जिल्ह्याचे पालकमंत्री राजकुमार बडोले यांनी व्यक्त केली.
सेवानिवृत्त व आदर्शशिक्षकांचा सत्कार समारंभ सोमवारी शिक्षक दिनानिमित्त स्थानिक कृषी उत्पन्न बाजार समितीच्या प्रांगणात आ.विजय रहांगडाले यांनी आयोजित केला होता. या कार्यक्रमात प्रमुख अतिथी म्हणून ना.बडोले बोलत होते. आ.विजय रहांगडाले यांनी आयोजित केलेल्या या कार्यक्रमाच्या अध्यक्षस्थानी खा.नाना पटोले होते. यावेळी आ.गिरीष व्यास,माजी आमदार हेमंत पटले, माजी आ.भजनदास वैद्य, हरिष मोरे, पोलीस अधीक्षक दिलीप पाटील भुजबळ, जि.प.सदस्य रजनी सोयाम, विश्वजित डोंगरे,सभापती दिलीप चौधरी,उपसभापती बबलू बिसेन, पवन पटले, रमनिक सोयाम, हितेंद्र लिल्हारे, माधुरी टेंभरे आदी मंचावर विराजमान होते.
अध्यक्षीय मार्गदर्शनात खा.पटोले म्हणाले, आजच्या स्थितीत आपण विचार केला असता भंडारा व गोंदिया जिल्हा शिक्षणात मागे पडला आहे.शिक्षणात खूप मोठे बदल होत आहेत. शिक्षण प्रणालीत झालेले बदल लक्षात घेऊन शिक्षकांनी शिकविले पाहिजे.
धापेवाडा टप्पा-१ व २पूर्ण झाले पाहिजे. अजूनही तलावात पाणी पडले नाही. त्यामुळे शेतात पाणी पोहोचू शकले नाही. वैनगंगेचे पाणी शेतात आलेच पाहिजे. लवकरच खळबंदा तलावात पाणी पडेल. काही विभागाच्या परवानग्या बाकी होत्या त्या प्राप्त झालेल्या आहे. अदानी प्रकल्पाने मात्र स्थानिकांचा नोकर्‍याबाबत अपेक्षाभंग केला, असे ते म्हणाले.
आ.विजय रहांगडाले यांनी आपल्या प्रास्ताविकातून या कार्यक्रम आयोजित करण्यामागील उद्देश सांगितला.विकास कामे केलीत, न.प.ला ९ कोटी विकासासाठी आणून दिले. शिक्षकांच्या माध्यमातून शासकीय विविध योजनांची खेड्यापर्यंत पोहचवावी, अशी अपेक्षा व्यक्त करून गुरूचे ऋण आपण कधीच विसरू शकत नाही असे त्यांनी सांगितले. संचालन माजी जि.प.उपाध्यक्ष मदन पटले यांनी तर आभार प्रदर्शन अनुप बोपचे यांनी मानले. यशस्वीतेसाठी कृऊबासचे मुख्य प्रशासक डॉ.चिंतामन रहांगडाले, प्रशासक डॉ.वसंत भगत, संजू बैस, भाऊराव कठाने, पिंटू रहांगडाले, चत्रुभूज बिसेन, भाजपा पदाधिकारी व कार्यकर्ते यांनी मोलाचे सहकार्यकेले.

गोंदिया: गोंदिया जिल्हा ओबीसी संघर्ष कृती समितीच्यावतीने शास्त्री वॉर्ड गोंदिया येथील रामकृष्ण गौतम यांच्या निवासस्थानी रविवारला घेण्यात आलेल्या बैठकीत शास्त्री वॉर्ड ओबीसी संघर्ष कृती समितीची कार्यकारिणी गठित करण्यात आली. बैठकीच्या अध्यक्षस्थानी ओबीसी संघर्ष कृती समितीचे जिल्हाध्यक्ष बबलू कटरे होते. यावेळी कार्याध्यक्ष अमर वèहाडे, उपाध्यक्ष मनोज मेंढे, संघटक कैलास भेलावे, संयोजक खेमेंद्र कटरे, शिशिर कटरे, सावन डोये,डी.डी. पटले उपस्थित होते. यावेळी शास्त्री वॉर्ड ओबीसी कृती समितीच्या अध्यक्षपदी प्रा.खुशाल कटरे, कार्याध्यक्षपदी प्रा. रामलाल गहाणे व सचिव पदावर बंसीधर शहारे यांची निवड करण्यात आली. कोशाध्यक्ष पदी बी.डब्ल्यू.कटरे व ओमप्रकाश शेंडे, सहसचिव यशवंत भगत व अरुणराव रहमतकर, उपाध्यक्षपदी एस.यू.वंजारी, व कृष्णकुमार लिल्हारे, प्रसिद्धी प्रमुख म्हणून गजानन तरोणे व विजय मुनेश्वर, तर सदस्यांमध्ये छत्रपती कटरे, रामकृष्ण गौतम, खोमराज बिसेन, वाय.डी. पटले, मुरेश्वर बडवाईक, विनोद चौधरी, संतोष वैद्य, दिवाकर बिसेन, राजेश कापसे, सुनील भोंगाडे, भाऊराव नागमोती, गोविंद बुरडे, पद्माकर गायधने, पी.वाय.ठाकरे, तेजराम पारधी यांचा समावेश आहे. तर सल्लागार समितीमध्ये सेवानिवृत्त तहसीलदार भरत पाटील, सेवानिवृत्त एएसआय भिवाजी खुने, राधेश्याम करंजेकर, सुरेश गायधने, सेवानिवृत्त अभियंता झेड.पी. रहांगडाले, सेवानिवृत्त मुख्याध्यापक जी.आर. उरकुडे, अनिल टेंभरे व डॉ. रुपसेन बघेले यांचा समावेश आहे. या बैठकीत अ‍ॅट्रॉसिटी कायद्यासह विविध विषयावर मार्गदर्शन करण्यात आले. तसेच पुढच्या बैठकीत महिला ओबीसी संघर्ष कृती समिती व ओबीसी विद्यार्थी संगठना गठित करण्याचा निर्णय घेण्यात आला. सोबतच कोपर्डी घटनेसह इतर मागण्यांचे निवेदन देण्याचे ठरविण्यात आले. यावेळी योगानंद पटले, धनेंद्र चव्हाण, मनोज रहांगडाले, जीवन शरणागत आदी मान्यवर उपस्थित होते.

तिरोडा,दि.५- तिरोडा-गोरेगाव विधानसभा मतदारसंघाचे आमदार विजय रहागंडाले यांच्यावतीने आज (दि.5) तिरोडा येथे मतदारसंघातील आदर्श शिक्षक,सेवानिवृत्त शिक्षकांचा सत्कार कार्यक्रम शिक्षक दिनाचे औचित्य साधून करण्यात आला.कार्यक्रमाला जिल्ह्याचे पालकमंत्री राजकुमार बडोले हे मुख्य अतिथि म्हणून उपस्थित होते.तर खासदार नाना पटोले,आमदार गिरीश व्यास,आमदार ना.गो.गाणार,माजी आमदार व भाजप जिल्हाध्यक्ष हेमंत पटले,बाजार समितीचे प्रशासक डाॅ.चिंतामण रहागंडाले, माजी आमदार हरिष मोरे,भजनदास वैद्य,गोरेगाव पंचायत समितीचे सभापती दिलीप चौधरी,उपसभापती सुरेंद्र बिसेन,जिल्हा परिषद सदस्य विश्वजित डोंगरे,पंचायत समिती सदस्य गुड्डू लिल्हारे,रजनी कुंभरे यांच्यासह इतर मान्यवर उपस्थित होते.या कार्यक्रमात गोरेगाव तालुक्यातील मोहगाव बु.येथील परशुराम विद्यालयाचे मुख्याध्यापक बी.डब्लू.कटरे यांचा आदर्श शिक्षक म्हणून हायस्कूल गटातून पालकमंत्री बडोले,खासदार पटोले व आमदार रहागंडाले यांच्या हस्ते स्मृतिचिन्ह देऊन सत्कार करण्यात आला.कार्यक्रामाचे संचालन माजी जि.प.सदस्य मदन पटले यांनी केले.

तुमसर,berartimes.com दि.5:तुमसर तालुक्यातील सिंदपूरी येथील तलावाची पाळ फुटल्याने गावातील अनेक घरे भुईसपाट झाली. तर काही शेतकर्‍यांची शेती पडीत झाली. मागिल दोन वर्षापासून सध्या टिनाचे पत्रे व फाटक्या चटईच्या आळूशात तात्पुरता निवारा उभारण्यात आला आहे. मात्र, आजतागायत घरकुल बांधकामाकडे प्रशासनाचे तथा जनप्रतिनिधींचे दुर्लक्ष होत आहे. तसेच रेंगेपारच्या पुनर्वसनाच्या मागणी वरून राजकीय पुढार्‍यांनी वैनगंगा नदी घाटात जलसमाधी घेण्याचा प्रयत्न केला होता. तेच आता खासदार व आमदार झालेत परंतु त्यांना सत्ता असतानाही पुनर्वसनाच्या प्रश्न सोडविता आला नसल्याचा आरोप शिवसेनेचे जिल्हाध्यक्ष इंजि.राजेंद्र पटले यांनी केला आहे.त्यांनी सिंदपुरी गावात पिडित कुटुंबांची भेट घेऊन त्यांची व्यथा जाणून घेतल्यानंतर कार्यकत्यार्ंशी बोलतांनी विचार व्यक्त केले.यावेळी त्यांच्यासोबत तालुका कामगार सेना प्रमुख मनोहर जांगडे, तुमसर शहर विभागप्रमुख अमित एच. मेश्राम, योगराज टेंभरे, राज तुरकर, राकेश शरणागत, प्रकाश चौधरी, रवि शेंडे व इतर शिवसैनिक उपस्थित होते.
तुमसरच्या निवडणूक प्रचारसभेत मुख्यमंत्र्यांनी सिंदपुरी वासियांची घरकुल व तलाव दुरूस्तीचा प्रश्न मार्गी लावणार असल्याचे सांगितले होते. परंतु मुख्यमंत्र्यांची घोषणा ही फोल ठरली. मात्र लोकप्रतिनिधींनी व प्रशासनाने आश्‍वासने देवून दुर्लक्ष केले. आजही या बाधित कुटूंबियांना व शेतकर्‍यांना पुनर्वसनाची प्रतिक्षा आहे.
नुकतेच सिहोरा येथे शेतकऱ्यांच्या हितासाठी व पुनर्वसनाच्या प्रश्न मार्गी लावण्यासाठी भव्य विराट आंदोलन शिवसेनेच्या वतीने करण्यात आले, या प्रसंगी, शासनाच्या वतीने अधिकाऱ्यांनी संमंधीत सिंदपुरी व रेंगेपार या दोन्ही गावांचा गंभीर पुनर्वसनाचा मुद्दा शासनस्तरावर कार्यवाहिसाठी सादर करण्याचे कळविले, परंतु पुनर्वसनाच्या प्रतिक्षेत असलेले गावकरी अजुन कुठपर्यंत वाट पहतील, अशा प्रश्न गावकऱ्यांना पडला आहे.

गोंदिया: स्थानिक भवभूति रंगमंदिर, रेलटोली येथे सास्कृंतीक मंत्रालय, भारत सरकार व विद्या भारती संस्कृती शिक्षण संस्थेच्या संयुक्तवतीने जिल्हाधिकारी डॉ विजय सूर्यवंशी यांच्या अध्यक्षतेत दिनेशभाई पटेल,सचिन जोशी व अनिल जोशी यांच्या व १० शाळेतील जवळपास ५०० विद्याथ्र्यांच्या उपस्थितीत ‘भारतीय संस्कृतीचे संरक्षण, संवर्धन व उत्थान या विषयावरील कार्यशाळा पार पडली.आजच्या आधुनिक युगात आपल्या संस्कृतीला कायम ठेवून तीच संरक्षण व संवर्धन करून आपल्या देशाला प्रगत आणि संघटित राष्ट्र कसे करता येईल यावर ही कार्यशाळा पार पडली.अनिल जोशी यांनी सांस्कृतिक बाबींच आढावा देत भारतीय संस्कृतीचे महत्त्व विद्यार्थांना पटवून दिले. डॉ विजय सूर्यवंशी यांनी विद्याथ्र्यांसी चर्चात्मक संवाद साधला.आपण मोठे होउन अधिकारी, राजनेता, शेतकरी, व्यापारी वगैरे बनत असतो पण आपण जर आपल्या संस्कृतीला जोपासून आपले कर्तव्य केले तर आपल्या देशाचा भविष्य उज्वल करता येवू शकतो. विविध शाळेंनी सांस्कृतिक झाँकी व समूहगान सादर केले. समारोप श्रीकांत देशपांडे,मनोज भुरे,सुरेश चन्ने व कार्यशाळा प्रांत प्रमुख सौ सुवर्णा पावडे यांच्या उपस्थितीत पार पडले.संचालन कार्यशाळा जिल्हा संयोजक वरुण खंगार व सौ चारुलता ढेकवार तर आभार अनिल बहेकार यांनी केले.

गोंदिया,दि.5- जिल्ह्यातून जाणार्या मुंबई हावडा रेल्वेमार्गावरील तिरोडा तालुक्यातील सालेबर्डी येथील रेल्वेफाटक आजपासून बंद करण्याचा रेल्वेप्रशासनाच्या निर्णयाविरोधात माजी आमदार दिलीप बनसोड व जिल्हा परिषद सदस्य मनोज डोंगरे यांच्या नेतृत्वात सालेबर्डीसह परिसरातील गावच्या नागरिकांनी आज सोमवारला रेल्वेचौकीसमोर आंदोलन केले. आंदोलनाला नागरिकांचा वाढता प्रतिसाद बघून दपूमरेल्वे नागपूर विभागाच्या अधिकार्यानी जोपर्यंत पर्यायी व्यवस्था होत नाही,तोपर्यंत रेल्वेचौकी सुरु ठेवण्याचे आस्वासन दिल्यानंतर आंदोलकांनी आपले आंदोलन मागे घेतले.
सालेबर्डी गावाला लागून असलेल्या रेल्वेमार्गावर मागील शंभर वर्षापासून रेल्वे फाटक असून .याच रेल्वे फाटकातून पाच गावातील लोकांचे येणे जाणे आहे..मात्र चौकीवर काम करणाऱ्या लोकांनी गावकर्यांना हि रेल्वे फाटक ५ सप्टेंबर पासून बंद होणार असल्याची माहिती देताच .गावात तणावाची स्थिती निर्माण झाली आणि ग्राम पंचायत,जिल्हा प्रशासनाला कुठलीही माहिती न देता. जिल्हा परिषदेच्या रस्त्यावरील रेल्वे फाटक बंद करण्याचा निर्णय रेल्वे विभागाने घेतल्याने रेल रोको आंदोलन करण्याची भूमिका घेतली.त्यानुसार आज सकाळीच गावातील नागरिक रेल्वेचौकीजवळ एकत्र आले ते विदर्भ एक्सप्रेस या गाडीला थांबविण्याच्या मनस्थितीत असतानाच रेल्वेच्या अधिकायानी मध्यस्थीची भूमिका घेत मुबई हावडा रेल्वे लाईन हि हाय स्पीड रेल्वे लाईन असल्याने या ठिकाणची रेल्वे फाटक बंद करून रेल्वे अंडरग्राऊंड ब्रिज तयार करण्याची भूमिका घेतल्याचे माहिती तुमसर रेल्वेस्थानकावरील अभियंता बी.एम.पांडे यांनी आंदोलकांना माहिती दिली.त्यानंतर हे आंदोलन मागे घेण्यात आले.