गोंदिया,दि.२१(बेरारटाईम्स) -जिल्हा सामान्य कुवर तिलकqसह रुग्णालय व बाई गंगाबाई महिला रुग्णालयाच्या विविध समस्यांना घेऊन गेल्या १४ ऑगस्ट पासून सुरू असलेल्या वसंत ठाकूर यांच्या आंदोलनाला आज रविवारला युवा स्वाभिमान संघटनेने पाqठबा जाहीर केला.
यावेळी जिल्हाध्यक्ष जितेश राणे,वाय.पी.येळे,टोनेश हरिणखेडे,विनोद गौतम,मनोज बिसेन,अरqवद टेंभरे,भरत शरणागत,राजेंद्र पटले,जीवनलाल कुकडे,जगदीश रहागंडाले,कमल राणे आदी पदाधिकारी उपस्थित होते.गेल्या ७ दिवसापासून हे आंदोलन सुरू असून उद्या २२ ऑगस्टपासून युवा स्वाभिमान संघटनेच्यावतीने शहरात भीक मांगो आंदोलन करून गोळा झालेली रक्कम आरोग्यमंत्र्यांच्या नावे जिल्हाधिकारी यांना देण्यात येणार असल्याची माहिती युवा स्वाभीमानचे जिल्हाध्यक्ष जितेश राणे यांनी बेरार टाईम्सला दिली.
गेल्या सात दिवसापासून गोंदिया शहरातील कुवरतिलकसिंह जिल्हा सामान्य रुग्णालय व बाई गंगाबाई महिला सामान्य रुग्णालयातील अव्यवस्थेला घेऊन सामाजिक कार्यकर्ता बसंत ठाकूर यांनी बेमुदत आंदोलनाला सुरवात केली आहे.ठाकूर यांनी आपल्या आंदोलनाच्या पाचव्या दिवशी स्वतः व आंदोलनाला बसलेल्या कार्यकत्र्यासह मुंडण करून शासनाच्या व आरोग्य विभागाच्या निष्काळजीपणाचा निषेध नोंदविला.१४ ऑगस्टपासून सुरू या आंदोलनाला जिल्ह्याचे पालकमंत्री राजकुमार बडोले,खासदार नाना पटोले यांच्यासह शिवसेनेचे जिल्हाध्यक्ष व आरोग्यमंत्री डॉ.दीपक सावंत यांचे सहकारी म्हणून मुकेश शिवहरे यांच्यासह राष्ट्रवादी काँग्रेसच्या पदाधिकाèयानी भेट देऊन त्यांच्या आंदोलनाला पाqठबा दिला.जिल्हा शल्यचिकित्सक डॉ.पातुरकर व वैद्यकीय महाविद्यालयाचे डीन डॉ.अजय केवलिया यांनीही त्यांच्या मागण्या आरोग्य विभागाकडे पोचवून त्या निकाली काढण्याचे आश्वासन दिले परंतु जोपर्यंत आरोग्य मंत्री स्वतः रुग्णालयातील समस्या सोडविण्यासंबधीचे लेखी आश्वासन देत नाही तोपर्यंत आंदोलन सुरूच ठेवण्याचा निर्णय ठाकूर यांनी घेतला आहे.आता त्यांच्या आंदोलनाला युवा स्वाभिमान संघटनेने सुद्धा पाqठबा दिला आहे.

साकोली,दि.21 : गेल्या पाच दिवसांपासून १६ तास भारनियमनाच्या विरोधात वीज वितरण कार्यालयासमोर सुरू असलेले शेतकऱ्यांच्या उपोषण मंडपाला खासदार नाना पटोले व आमदार राजेश काशीवार यांनी भेट देवून उद्यापासून १२ तासांचे भारनियमन करण्यात येईल, असे आश्वासन दिले. त्यानंतर शेतकऱ्यांच्या हस्ते उपोषणकर्त्यांना लिंबू पाणी पाजून उपोषणाची सांगता करण्यात आली.

दरम्यान आज शेतकऱ्यांनी शासनाच्या व भारनियमनाच्या विरोधात नारेबाजी करीत साकोली व सेंदुरवाफा या गावातून शासनाची अंत्ययात्रा मोर्चा काढला.१६ तासाचे भारनियमन करून शेतकऱ्यांना संपवण्याचा भाजपाचे हे कटकारस्थान आहे असा आरोप करण्यात आला होता.मोर्च्यानंतर खासदार, आमदारांनी उपोषण मंडपाला भेट देवून शेतकऱ्यांच्या समस्या सोडविण्यासाठी शासन कटिबद्ध असल्याचे आश्वासन शेतकऱ्यांना देण्यात आले. त्यानंतर उपोषणाची रितसर सांगता करण्यात आली.

मागील दोन महिन्यापासून शेतकरी भारनियमन बंद व्हावे यासाठी धावपळ करीत आहेत. विज वितरण कार्यालयासमोर १६ पासून १६ तासाचे भारनियमन बंद करण्यात यावे, यासाठी बेमुदत आमरण उपोषण सुरू आंदोलनात अविनाश ब्राम्हणकर, अंताराम खोटेले, राम महाजन, हरीभाऊ खोटेले, रामचंद्र कापगते, दुर्वास कापगते, सुरेशसिंह बघेल, गोवर्धन कापगते, रामदास कापगते, बाबुराव कापगते, प्रकाश शिवणकर, अभिमन चुटे, यशवंत ब्राम्हणकर, मारोती कापगते हे शेतकरी पाचव्या दिवशीही आमरण उपोषणाला बसले होते.

गोरेगाव : तालुक्यातील नोनीटोला शेतशिवारातील चिल्हाटी वनपरिक्षेत्रात यावर्षी जलयुक्त शिवार कार्यक्रमांतर्गत पडीक जमिनीमध्ये तयार केलेल्या तळ्यातील संकलित जलाचे पूजन तहसीलदार कल्याणकुमार डहाट, पं.स.सभापती दिलीप चौधरी यांच्या हस्ते करण्यात आले. यावेळी प्रमुख पाहुणे म्हणून वनक्षेत्राधिकारी एस.एम.जाधव, क्षेत्रसहायक आग्रे, वनरक्षक बिसेन, वनरक्षक उदापुरे व वनमजूर उपस्थित होते. वनविभागाच्या वतीने पावसाळी पाण्याचे जतन करून शेतशिवार व गावशिवारात पाण्याचा साठा वाढवण्यासाठी जलयुक्त शिवार कार्यक्रमांतर्गत गोरेगाव वनक्षेत्राधिकारी एस.एम.जाधव यांनी चिल्हाटी वनक्षेत्राची निवड करून तेथील २५ हेक्टर जमिनीवर ३५ मिटर अंतराने अनेक नाल्या खोदून बांध टाकल्याने क्षेत्रात आज मोठय़ा प्रमाणात पाण्याचा संचय दिसून येत आहे. जमिनीच्या खालच्या बाजूला ३५मिटर बाय ३५मिटर बाय ३५मिटर खोलीचे तळे बनवून मोठय़ा प्रमाणात पाणी संचयीत करण्यात आले. या पाण्याचा उपयोग क्षेत्रातील शेतीसाठी व जंगल प्राण्याची तहान भागवण्यासाठी नक्कीच होणार आहे. त्यामुळे जलयुक्त शिवार कार्यक्रम शेतकर्‍यांना फायदेशीर ठरणार आहे.