सेल्फीच्या नादात इटियोडोह धरणात दोन युवकांना जलसमाधी

अर्जूनी मोर,दि.26- प्रजासत्ताकदिनी कुरखेडा येथील दोन युवकांना इटियाडोह धरणात सेल्फी काढत असताना जलसमाधी मिळाल्याची घटना आज (दि.26) दुपारी घडली.
जलसमाधी मिळालेल्यांमध्ये  कुरखेडा येथील परवेज रामदास गोटेफोडे व एजाज सेख या दोन युवकांचा समावेश आहे.
सविस्तर असे की, कुरखेडा वरून हे दोन युवक प्रजासत्ताक दिनी पर्यटनासाठी गोठणगाव येथे आले. हे दोन्ही युवक इडियाडोह धरणावर गेले असता त्यांना सेल्फी घेण्याचा मोह झाला. सेल्फी घेण्याच्या नादात या दोन्ही युवकांचा तोल गेल्याने त्यांच्यावर जीव गमावण्याची वेळ आली.  या दोघांच्या मृतदेहावर केशोरी प्राथमिक आरोग्य केद्रात शवविच्छेदन करण्यात आल्यानंतर मृतदेह नातेवाईकांना सोपविण्यात आले. पुढील तपास केशोरी पोलिस करीत आहेत.