चिमुकलीच्या अवयव दानाचा निर्णय घेऊन समाजाला एक नवीन संदेश
देवरी,( सुजित टेटे )दि.२७- ब्लॉसम पब्लिक स्कूल देवरी येथे केजी-२ वर्गामध्ये शिकत असलेल्या रिव्यानी (५ वर्षे )राधेश्याम रहांगडाले हि मुलगी शालेय परीक्षा संपल्यावर आपल्या कुटुंबासोबत उन्हाळी सुट्ट्या आनंदाने घालवत होती. मामासोबत दुचाकी वरून प्रवास करत असतांना एक मद्यधुंद व्यक्तीने समोरा समोर दुचाकीला धडक दिली असता या मुलीचा १९ एप्रिल ला दुर्दैवी अपघात झाला. या अपघातात तिच्या डोक्याला जबर दुखापत झाली आणि तिला नागपूर येथे हलविण्यात आले. चिमुकली रिव्यानी ७ दिवसापासून मृत्यूशी झुंज देत असतांना आज तिला मृत घोषित करण्यात आले. तिचे बाबा पोलीस विभागात कार्यरत असून आई गृहिणी आहे . सदर बातमी देवरी येथे पसरताच सर्वीकडे हळहळ व्यक्त करण्यात येत आहे.रिव्यानीचे अंतिम संस्कार दिनांक २८/०४/२०१८ ला त्यांचे मूळ गाव भजीयापार ( आमगाव रेल्वे क्रॉसिंग) येथे पार पडणार आहे.
