मुंबई- ‘चला बुध्द धम्माच्या वाटेवर’ या चळवळीचे प्रणेते व ओबीसी समाजाचे नेते हनुमंत ऊपरे (वय 63) यांचे आज सकाळी मुंबईत निधन झाले. मागील महिन्यात उपरे यांच्या मेंदुत रक्तस्त्राव (ब्रेन ह्यमरेज) झाल्याने ते कोमात होते. त्यांच्यावर शस्त्रक्रियाही करण्यात आली होती. मुंबईतील ब्रीच कॅण्डी रूग्णालयात त्यांच्यावर उपचार सुरु होते. उपरे यांच्यावर उद्या दुपारी त्यांच्या मूळगावी बीडजवळील नानलगाव फाटा येथे बौध्द पद्धतीने अंत्यविधी होणार आहे.
सत्यशोधक ओ.बी.सी. परिषदेचे अध्यक्ष म्हणून उपरे यांनी सामाजिक क्षेत्रात आपल्या कामाचा ठसा उमटवला. उपरे यांनी भारिप बहुजन महासंघाचे प्रदेशाध्यक्ष म्हणूनही काम पाहिले होते. सामाजिक प्रश्नांवर, दलित, ओबीसी यांच्या सामाजिक, राजकीय व आरक्षण विषयाबाबत त्यांनी भरीव काम केले.
