वृत्तसंस्था
नवी दिल्ली, दि. १८ – माजी कसोटी क्रिकेटपटू व भाजपाचे राज्यसभेतील खासदार नवज्योत सिंग सिद्धू यांनी खासदारपदाचा राजीनामा देत भाजपाला रामराम केला आहे. पंजाबमधील आगामी विधानसभा निवडणुकीच्या पार्श्वभूमीवर सिद्धू यांच्या पक्षातील एक्झिटमुळे भाजपाला मोठा धक्का बसला आहे. दरम्यान भाजपामधून बाहेर पडल्यानंतर सिद्धू आम आदमी पक्षात प्रवेश करणार असल्याची चर्चा आहे. दरम्यान सिद्धू यांच्या पत्नीही आमदारपदाचा राजीनामा देण्याच्या तयारीत असल्याचे वृत्त आहे.
