गडचिरोली,दि.१८: २५ जून च्या मध्यरात्री रत्नाकर गायकवाड व सहकाऱ्यांच्या इशाऱ्यावर मुंबईतील दादरस्थित डॉ. बाबासाहेब आंबेडकर भवन हे ऐतिहासिक केंद्र पाडण्यात आले. या घटनेचा निषेध करण्यासाठी काल गडचिरोलीत विविध आंबेडकरी संघटनांनी एकत्र येऊन सरकार व प्रशासनावर जोरदार ताशेरे ओढले.
इंदिरा गांधी चौकात झालेल्या या सभेला बहुजन युवा मंचचे डॉ कैलाश नगराळे, प्रा. पंडित फुलझले, दर्शना मेश्राम, प्रणिता रायपुरे, कवी प्रभू राजगडकर, अखिल भारतीय आदिवासी महासभेचे प्रदेशाध्यक्ष हिरालाल येरमे, भारिप बहुजन महासंघाचे जिल्हाध्यक्ष रोहिदास राऊत, भारतीय कम्युनिस्ट पक्षाचे जिल्हा सचिव डॉ महेश कोपुलवार प्रमुख अतिथी म्हणून उपस्थित होते.
भारतीय बौद्ध महासभेचे जिल्हाध्यक्ष सी.पी.शेंडे अध्यक्षस्थानी होते.
