ब्रम्हपूरी, दि.७: येथील आंबेडकरी चळवळीतील खंदे कार्यकर्ते, ज्येष्ठ पत्रकार तथा अखिल भारतीय रिपब्लिकन पक्षाचे(खो प्रदेश सरचिटणीस जीवन बागडे यांचा ५८ व्या वर्षपूर्तीनिमित्त आज(दि.७) नागरी सत्कार करण्यात येणार आहे.आज संध्याकाळी ५ वाजता डॉ.बाबासाहेब आंबेडकर महाविद्यालयाच्या सभागृहात हा कार्यक्रम होणार आहे. ज्येष्ठ रिपब्लिकन नेते मारोतराव कांबळे कार्यक्रमाच्या अध्यक्षस्थानी राहणार असून, प्रमुख अतिथी म्हणून रिपब्लिकन पक्षाचे राष्ट्रीय अध्यक्ष माजी आमदार उपेंद्र शेंडे, समता सैनिक दलाचे मुख्य संघटक अॅड. विमलसूर्य चिमणकर, माजी खासदार नानाभाऊ पटोले, आमदार विजय वडेट्टीवार, रिपब्लिकन नेते रोहिदास राऊत, माजी आमदार अतुल देशकर, खोरिपचे प्रदेशाध्यक्ष भाऊ निरभवने, नगराध्यक्ष योगीता बनपूरकर, काँग्रेसचे जिल्हा परिषदेतील गटनेते सतीश वारजुरकर, प्राचार्य सिध्दार्थ मेश्राम, माजी नगराध्यक्षा रिता उराडे, डॉ.बाबासाहेब आंबेडकर शिक्षण संस्थेचे सचिव प्रा. देवेश कांबळे, खोरिपाचे उपाध्यक्ष देशक खोब्रागडे, कार्याध्यक्ष सत्यजीत खोब्रागडे, चंद्रपूर जिल्हा मध्यवर्ती सहकारी बॅकेचे उपाध्यक्ष दामोधर मिसार उपस्थित राहणार आहेत.या कार्यक्रमाला नागरिकांनी मोठ्या संख्येने उपस्थित राहावे, असे आवाहन आयोजकांनी केले आहे.
