गडचिरोली,दि.25:- सिरोंचा तालुक्यातील टेकडाताला येथील आपतग्रस्त परिवाराला नुकतेच बांधकाम व वित्त सभापती भाग्यश्री आत्राम यांच्याकडून आर्थिक मदत देण्यात आली.नामे वेंकटी दुर्गम यांच्या घराला आग लागली होती. वेंकटी दुर्गम यांची आर्थिक परिस्थिती हलाकीची असल्यामुळे जिल्हा परिषदेच्या वित्त तथा बांधकाम सभापती भाग्यश्री आत्राम यांनी सिरोंचा तालुक्यातील टेकडाताला गाठून त्यांच्या परिवाराला भेट दिल्या आणि परिस्थिती जाणून घेतल्या.यावेळी वेंकटी आणि त्यांच्या पत्नीने घरी कोणीही नसताना अशी घटना घडल्याचे सांगितले.त्यांना लहान-लहान मुलंबाळं असल्याने आर्थिक संकट कोसळल्याने समजताच भाग्यश्री आत्राम यांनी मोठी रक्कम आर्थिक मदत म्हणून दिली आहे. त्यामुळे वेंकटी दुर्गम यांना खुप मोठा आधार मिळाला आहे.यावेळी राष्ट्रवादी काँग्रेस पक्षाचे सिरोंचा तालुका उपाध्यक्ष सत्यण्णा पिडगू,राका चे संयोजक निलवार जी,जेष्ठ कार्यकर्ते चीनण्णाजी तसेच टेकडाताला येथील राका चे समस्त कार्यकर्ते उपस्थित होते.
