महेश येळे रावणवाडी(गोंदिया),berartimes.comदि.२०-गोंदिया जिल्ह्यातील रावणवाडी पोलीस ठाणेर्तंगत येत असलेल्या चंगेरा येथील जनावर तस्करांनी उपविभागीय पोलीस व रावणवाडी पोलीसांच्या गाडीवर हल्ला करीत दगडबाजी केल्याने एक पोलीस कर्मचारी जखमी झाल्याची घटना मंगळवारच्या पहाटे ३ वाजेच्या दरम्यान घडली.पोलीसांना मिळालेल्या गुप्त माहितीच्या आधारे उपविभागीय पोलीस अधिकारी आणि रावणवाडीचे पोलीस निरिक्षक हे चंगेरा येथे जनावरे घेऊन जाणाèया ट्रकला पकडण्यासाठी गेले होते.दरम्यान पोलीस आल्याची भनक लागताच तस्करांनी वाहनावर दगडफेकण्यास सुरवात केली.यात रावणवाडी पोलीसांच्या वाहनाची तोडफोड झाली.तरीही पोलीसांनी न भिता कारवाई करीत ३ ट्रमधील ४६ जनावरांना मुक्त करीत ट्रक ताब्यात घेतले.तसेच रात्रीला गस्त घालून १२ लोकांना ताब्यात घेतले आहे.

सालेकसा,दि.२०:गोंदिया जिल्हा ओबीसी संघर्ष कृती समिती,ओबीसी सेवा संंघाच्यावतीने १७ सप्टेंबर रोजी जी.के.ज्युनीयर कॉलेज कावराबांध येथे ओबीसी विद्यार्थांसाठी ओबीसींचे आरक्षण,शिष्यवृत्ती आणि अधिकार या विषयावर कार्यशाळेचे करण्यात आले होते.यावेळी कावराबांध परिसरातील तीन कनिष्ट महाविद्यालयातील सुमारे २०० च्यावर ओबीसी विद्यार्थांनी कार्यशाळेला उपस्थिती दर्शवून ओबीसींच्या समस्या जाणून घेण्याचा प्रयत्न केला.त्याप्रसंगी मार्गदर्शन करतांना विद्यार्थांनी आपल्या सवैधानिक हक्कासाठी आणि शिष्यवृत्तीसह आरक्षणासाठी लढा देण्यास सज्ज राहावे असे आवाहन डॉ.गुरुदास येडेवार यांनी केले.आज आपल्या खेड्यापाड्यातील ओबीसी बहुजन शेतकरी वर्गाची परिस्थितीत हलाखीची झाली असून शेतीच्या उत्पन्नातून मुलाबाळांना चांगले शिक्षण देता येणे कठीण झाले आहे.त्यामुळे आपल्याला शिक्षण घेण्यासाठी सविधानाने दिलेल्या आरक्षणाचा आणि शिष्यवृत्तीचा लाभ घ्यावयाचे असेल तर त्यासाठी संघर्ष करण्याची क्षमता निर्माण करणे काळाची गरज असल्याचे विचार डॉ.येडेवार यांनी व्यक्त केले.
कार्यशाळेच्या अध्यक्षस्थानी ओबीसी सेवा संघाचे जिल्हाध्यक्ष प्रा.बी.एम.करमरकर होते.तर प्रमुख मार्गदर्शक म्हणूून संघटक डॉ.गुरुदास येडेवार,ओबीसी संघर्ष कृती समितीचे जिल्हाध्यक्ष बबलू कटरे,सयोजंक खेमेंद्र कटरे,ओबीसी सेवा संघाचे प्रदेश उपाध्यक्ष सावन कटरे,ओबीसी संघर्ष कृती समितीचे संघटक कैलास भेलावे,हरिष ब्राम्हणकर,प्राचार्य मच्छिरके यांच्यासह इतर शाळेचे मुख्याध्यापक व शिक्षक उपस्थित होते.यावेळी बोलतांना सावन कटरे यांनी पेरीयर रामास्वामी यांच्या जंयतीचे औचित्य साधून ही कार्यशाळा घेण्यात आली असून आपणापर्यंत सविधानात आपल्यासाठी काय काय आहे हे पोचू न शकल्याने मनुवाद्याच्या दुषित प्रचाराला बळी पडून आपण आपल्याच एससी,एसटी बांधवाबद्दल गैरसमज निर्माण करुन बसल्याचे सांगत ते आपले बंधू आपण ओबीसी एससी एसटी असा ८५ टक्के समाज हा एकच असल्याचे लक्षात आणून दिले.आपल्याला लोकसंख्येच्या आधारावर आरक्षणाची तरतूद असताना फक्त २७ टक्के आरक्षण दिले गेले.त्यातही पुर्ण पदे भरली गेली नाही.आमच्या आरक्षणाच्या जागेवर उच्चवर्णीयांनी कब्जा करुन ओबीसींच्या मुलांना आयएएस,आयपीएस होण्यापासून वंचित केल्याचा आरोपही त्यांनी केला.यावेळी बबलू कटरे यांनी घटनेच्या ३४० वी कलमाची माहिती देतांना डॉ.बाबासाहेब आंबेडकरांनी राज्यघटना लिहितांना ओबीसी समाजाला सर्वात आधी आरक्षणासह सर्व सोयी सवलती मिळाव्या यासाठी तरतुद केल्याचे सांगत ती माहिती आपल्यापर्यंत न पोचल्याने आपण बाबासाहेबाना चुकीचे समजून बसलो आणि ६५ वर्ष विकासापासून मागे राहिल्याचे सांगितले.बाबासाहेबाबद्दल आपल्या समाजात विषमतेचे ज्वर काही मनुवादी संघटनानी पेरुन ओबीसी विद्याथ्र्यांना शिक्षणापासून वंचित ठेवण्याचे षडयंत्र एका संघटनेच्या माध्यमातून चालविले आहे,तेव्हा आपण ओबीसी विद्याथ्र्यांनी खर काय आहे हे सत्यता जाणूनच निर्णय घेण्याची वेळ आल्याचे सांगितले.तत्कालीन पंतप्रधान व्ही.पी.सींग यांनी फक्त मंडल आयोगाची एक अट लागू करताच आपला ओबीसी समाज एवढा जागृत आणि शिक्षित झाला आहे.जर संपुर्ण मंडल आयोगच लागू झाला तर आपला ओबीसी विकासाच्या मुख्य प्रवाहात येऊ शकतो त्यासाठी आपण सर्वांनी एकत्र येण्याची गरज असल्याचे विचार व्यक्त केले.यावेळी खेमेंद्र कटरे यांनी नॉन क्रिमिलीयरची ओबीसीवर लादलेली अट ही असैवधानिक असून ती रद्द करण्यासाठी त्याचप्रमाणे भारत सरकारची मिळणारी १०० टक्के मॅट्रिकोत्तर शिष्यवृत्ती जी राज्यसरकार ५० टक्के देत आहे,ती १०० टक्के मिळाली पाहिजे तसेच ओबीसींच्या विकासासाठी ओबीसींचे स्वतंत्र मंत्रालयाची गरज असल्याचे विचार व्यक्त केले.कार्यशाळेच्या अध्यक्षीय भाषणात प्रा.करमरकर यांनी ओबीसीनी आत्ता आपल्या हक्कासाठी लढण्याची वेळ आली असून आज जर आपण जागे झालो नाही तर भविष्यात आपला समाज काही मनुवादी संघटना गारद करुन आपल्याला फक्त मोलमजुरी करण्यासाठी तयार आमच्या हक्काच्या पदावर उच्चवर्णीय बसतील हे लक्षात ठेवत आपल्या हक्कासाठी येत्या ८ डिसेबंरला आयोजित नागपूरच्या मोच्र्यात मोठ्या संख्येने विद्यार्थांनी सहभागी व्हावे असे आवाहन केले.यावेळी परीसरातील ओबीसी विद्यार्थी मोठ्या संख्येने उपस्थित होते. आयोजनासाठी ओ.एस.गुप्ता,जे.एस.बागडे,ह.भू.पटले,आय.टी.निनावे,ललीत बनोटे व महेंद्र उके यांनी सहकार्य केले.

तिरोडा,दि.20 : १९0५ पासून स्वतंत्र विदर्भ राज्याची मागणी असून त्यासाठी लढा सुरू आहे. २८ सप्टेंबर १९५३ ला विदर्भाला जनतेची सम्मती न घेता जबरन महाराष्ट्रात सामील केले. तेव्हापासून वैदर्भीय जनतेवर अन्याय सुरू आहे. यामुळे आता विदर्भाचा लढा तिव्र करावा लागणार असल्याचे प्रतिपादन विदर्भ राज्य आंदोलन समितीचे मुख्य निमंत्रक राम येवले यांनी केले.
जवळील ग्राम कवलेवाडा येथील विदर्भ राज्य आंदोलन समितीच्या जाहीर सभेत अध्यक्षस्थानावरून ते बोलत होते. पुढे बोलताना येवले यांनी, नागपूर करारानुसार २३ टक्के नोकरी विदर्भातील युवकांना द्यायची होती. फक्त आठ टक्के दिल्याने चार लाख नोकर्‍यांचा बॅकलॉग विदर्भात तयार झाला व बेरोजगारी वाढली. भारनियमन विदर्भात, वीज तयार होते विदर्भात व ३४ टक्के गळतीही विदर्भात, ६३00 मेगावॉट वीज तयार होऊनही विदर्भाला फक्त २२00 मेगावॉट दिली जाते. विदर्भाला विजेची गरज नसतानाही १३२ वीज प्रकल्प आणून ८६ हजार ४0७ मेगावॉट वीज तयार करून दिल्ली व मुंबई इंडस्ट्रीयल कॉरीडोर करिता पुरवठा केला जाणार. यासाठी एक लाख एकर सुपीक जमीन प्रकल्पाला जाईल. ९0 हजार एकर टॉवरलाईनमुळे शेतीचे उत्पादन घटणार व उष्णतामान वाढणार आहे. संपूर्ण विदर्भ कँसर, टिबी व ह्दयरोगाने ग्रस्त होणार. शेतीमालाला भाव मिलत नसल्याने कर्जापोटी ३६ हजार पेक्षा जास्त शेतकर्‍यांनी आत्महत्या केली. वीज नाही, पाणी नाही, शेतीपर्यंत रस्ते नसल्याचे सांगीतले.
अशात वेगळे झालो तर १00 टक्के नोकर्‍या विदर्भाच्याच तरूणांना मिळणार. गडकरी व फडणवीस यांनी निवडणुकीच्या वेळी आश्‍वासन दिले. जनतेने शिक्ला मारताच सत्तेत आल्यावर त्यांना भान राहिले नाही. यासाठी विदर्भातील जनतेने ३ व ४ ऑक्टोबर ला तिव्र आंदोलनात सहभागी होण्याचे आवाहन त्यांनी केले. याप्रसंगी माजी आमदार दिलीप बंसोड, आनंद वंजारी, जिल्हाध्यक्ष टी.बी.कटरे, अर्चना नंदघळे, अँड. पराग तिवारी, अँड.हेमलता पतेह, अँड. माधुरी रहांगडाले, सुरेश धुर्वे, शामराव झरारिया, कृष्णकुमार दुबे, मोसीन खान, योगेश अग्रवाल, सरपंच देवल पारधी, ईश्‍वर रहांगडाले यांनीही मार्गदर्शन केले.
प्रास्तावीक जिल्हाध्यक्ष कटरे यांनी मांडले. संचालन हुपराज जमईवार यांनी केले. आभार शामराव झरारिया यांनी मानले. कार्यक्रमासाठी संजय मेश्राम, मनोज तुरकाने, मंदाकिनी गाडवे, सरिता चव्हाण, पुरनलाल भैरम, क्रांतीकुमार सावळे, सोनू पारधी आदिंनी सहकार्य केले.

गोंदिया,दि.19-गोंदियाचे जिल्हाधिकारी डाॅ.विजय सुर्यवंशी यांची नवी दिल्ली येथे केंद्रीय सरक्षणराज्यमंत्री यांचे खासगी सचिव म्हणून बदली झाल्याने त्यांच्या रिक्त जागेवर नांदेड जिल्हा परिषदेचे मुख्य कार्यकारी अधिकारी अभिमन्यू काळे यांची बदली करण्यात आली आहे.काळे यांना तत्काळ कार्यमुक्त होऊन गोंदिया जिल्हाधिकारी पदाची सुत्रे स्विकारण्याचे आदेश देण्यात आले आहेत.तर नांदेडच्या मु्ख्य कार्यकारीअधिकारी पदावर ए.ए.शिनगारे यांची नियुक्ती करण्यात आली आहे.

अकोला  berartimes.com दि. १९ –– कोपर्डीप्रकरणाचा निषेध, अॅट्रासिटीमधील बदल आणि मराठा समाजाला आरक्षण या प्रमुख मागण्यांसाठी अकोला शहरात आज (सोमवार) निघालेल्या सकल मराठा मूक क्रांती मोर्चाला मोठा प्रतिसाद मिळाला. अत्यंत शिस्तबद्धपद्धतीने मोर्चाचे आयोजन करण्यात आले. कोपर्डी प्रकरणातील आरोपींना फाशी देण्यात यावी, अॅट्रॉसिटी कायद्याचा गैरवापर थांबवावा, मराठा समाजाला आरक्षण देण्यात यावे या मागण्यांसाठी सकल मराठा समाजाच्या वतीने आज जालना, लातूर आणि अकोला शहरात मूकमोर्चेे काढण्‍यात आले. लाखो मराठा बांधव या मोर्चात सहभागी झाले होते. संयोजकांनी दिलेल्‍या आकडेवारीनुसार, तीन शहरांमध्‍ये सुमारे 49 लाख मराठा बांधव एकवटले होते. तर, पोलिस म्‍हणतात तीन्‍ही शहरात 22 लाख मराठा बांधव एकत्र आले होते. लातूर, जालना आणि अकोला या तिन्‍ही मोर्चांचा समारोप झाला आहे.

मोर्चातून मागण्‍या..
– कोपर्डी प्रकरणातील आरोपींना तत्काळ फाशी देण्यात यावी.
– अॅट्रॉसिटी कायद्याचा गैरवापर थांबवून योग्य तो बदल करण्यात यावा.
– मराठा समाजाला आरक्षण देण्यात यावे.
– शेतकऱ्यांना कर्जमाफी द्यावी.
– स्वामिनाथन आयोगाच्या सर्व शिफारशी लागू कराव्यात.