berartimes.com यवतमाळ/वाशिम,दि.25- विदर्भातील यवतमाळ व वाशीम शहरांमध्‍येही आज सकल मराठा समाज बांधवांनी लाखोंच्‍या संख्‍येने एकत्र येऊन मुकमोर्चा काढला. यवतमाळच्‍या पोस्‍टल ग्राऊंडवरून मराठा-कुणबी क्रांती मूक मोर्चाला सुरूवात झाली. हाती भगवे ध्‍वज घेऊन अबालवृद्ध अत्‍यंत शिस्‍त आणि शांततेत या मोर्चात सहभागी झाले होते. काळे कपडे परिधान करून विविध मागण्‍यांचे फलक हाती घेऊन तरुणाई कोपर्डीच्‍या घटनेचा निषेध करत होती. एक मराठा लाख मराठा, असे लिहीलेल्‍या टोप्या घालून समाजबांधव मोठ्या संख्‍येन या मोर्चात सहभागी झाले. यवतमाळ व वाशीममध्‍ये पाऊस असूनही समाजबांधव मोठ्या संख्‍येने या मोर्चात सहभागी झाले होते.मोर्चा बस स्थानक परिसरात जाम्बु वंत राव धोटे माजी खासदार राजाभाऊ ठाकरे संजय देशमुख विधान परिषदेचे उपाध्यक्ष माणिकराव ठाकरे माजी आमदार प्रकाश देवस रकर मराठा समाजाचे नेते हजर होते.वाशिममध्ये जिल्हा परिषदेच्या स्टेडीयममध्ये मराठे एकत्रित आले होते.यवतमाळात वकीलांनी काळे कोट घालून सहभाग घेतला.तर मोर्चेकरांना मुस्लीमबांधवानी पाणीची व्यवस्था केली.

नागपूर,berartimes.com दि..२५ : : स्वच्छता सप्ताहात स्वच्छतेबाबत अनेक उपक्रम राबवून प्रवाशांशी संवाद साधण्यात आल्याची माहिती दपूम रेल्वेचे ‘डीआरएम’ अमित कुमार अग्रवाल यांनी पत्रकार परिषदेत दिली. रेल्वेगाड्या आणि परिसरात स्वच्छता राखण्यासाठी विभागातील ८८ रेल्वेगाड्यात बायो टॉयलेट बसविण्यात आले असून मोतीबागच्या बायो टॉयलेट युनिटमध्ये या वर्षी २५00 बायो टॉयलेट बनविण्यात येणार असून यातील ९00 बायो टॉयलेट तयार झाल्याचे त्यांनी सांगितले.
डीआरएम अग्रवाल म्हणाले, स्वच्छता सप्ताहात रेल्वेस्थानक, परिसराची सफाई, सौंदर्यीकरण, वृक्षारोपण करण्यात आले. स्वच्छ स्टेशन दिनी अधिकारी, निरीक्षक, पर्यवेक्षकांनी रेल्वेस्थानकाच्या सफाईची पाहणी करून क्लिनिंग मशीन, टुल्स, प्लान्ट्सचे निरीक्षण केले. यात भारत स्काऊट गाईड, युनियन, विविध संस्था सहभागी झाल्या होत्या.
स्वच्छ रेल्वे दिनानिमित्त विभागातून जाणार्‍या रेल्वेगाड्यांची सफाई करण्यात आली. प्रवाशांशी संवाद साधून त्यांच्या तक्रारी ऐकून घेतल्या. स्वच्छ नीर दिनानिमित्त रेल्वेस्थानक परिसरातील पाण्याच्या स्रोतांची सफाई करून पाण्याची गुणवत्ता तपासण्यात आली. स्वच्छ सहयोग दिनानिमित्त प्रवाशांशी संवाद साधून घाण पसरविणार्‍या प्रवाशांना दंड आकारण्यात आला. स्वच्छ संवाद दिनी प्रवाशांशी स्वच्छतेबाबत चर्चा करून पोस्टर स्पर्धेचे आयोजन करण्यात आल्याचे त्यांनी सांगितले. पत्रकार परिषदेला सिनिअर डीसीएम अर्जुन सिबल आणि अधिकारी उपस्थित होते.

दपूम रेल्वेच्या नागपूर विभागात एकूण तीन अँक्सीडेंट रिलीफ ट्रेन आहेत. यातील एक ट्रेन नॅरोगेज सेक्शनसाठी, एक गोंदिया येथे आणि एक गाडी इतवारी रेल्वेस्थानकावर तैनात आहे. गाडीत अपघात झाल्यास संबंधित ठिकाणी पोहोचून मदत करण्यासाठी सर्व सुविधा उपलब्ध आहेत. यात तीन कोच असून एका कोचमध्ये ऑपरेशन थिएटर, दुसर्‍या कोचमध्ये १२ रुग्णांसाठी बेड, तिसर्‍या कोचमध्ये रुग्णांना खाण्यासाठी पदार्थ बनविण्याची सुविधा आहे. ही गाडी ताशी ११0 किलोमीटर वेगाने धावते. गाडीत ‘व्ही सॅट टेक्नॉलॉजी’चा समावेश आहे. अपघातस्थळी मदतकार्य कसे सुरूआहे याचे थेट प्रसारण डीआरएम कार्यालय आणि रेल्वे बोर्डात पाहण्याची सुविधा असल्याचे मुख्य आरोग्य अधिक्षक डॉ. सुनंदा राहा यांनी सांगितले. याशिवाय एखाद्या पाण्याच्या ठिकाणी अपघात झाल्यास लाईफ ज्ॉकेट, कोचमध्ये अडकलेल्या प्रवाशांना बाहेर काढण्यासाठी हायड्रोलिक कटर्स, घटनास्थळी हवेने फुलणारा टेंट उभा करण्याची सुविधा या रेल्वेगाडीत उपलब्ध आहे.

तिरोडा,दि.25 : मुख्यमंत्री ग्रामसडक योजनेअंतर्गत मौजा कवलेवाडा येथे तिरोडा-कवलेवाडा करटी रस्त्याचे भूमिपूजन आमदार विजय रहांगडाले यांच्या हस्ते झाले. यावेळी बोलताना आ.रहांगडाले म्हणाले, मुख्यमंत्री ग्रामसडक योजनेतून एका आर्थिक वर्षामध्ये एका विधानसभा क्षेत्रात एकूण २७ कि.मी. रस्ते बांधकामाचे उद्दीष्ट आहे. यातूनच आपल्या विधानसभा क्षेत्रातील तिरोडा तालुका ते तुमसर तालुक्याला जोडणारा हा मुख्य मार्ग असल्यामुळे सर्वप्रथम या रस्त्याची निवड करण्यात आली.
रस्त्याची रुंदी सदर योजनेमध्ये जास्तीत-जास्त ३.७५ मीटर असून सुद्धा या रस्त्यावर तालुक्यातील सर्व मुख्य कार्यालये (तहसील कार्यालय, पंचायत समिती, सा.बा. उपविभागीय कार्यालय, पशु वैद्यकीय कार्यालय, उपविभागीय कार्यालय, जीवन प्राधीकरण, वीज कंपनी) असल्यामुळे रेल्वे स्थानक रस्त्यापासून ते मजिप्रा कार्यालयापर्यंत ५ मीटर रूंदीच्या रस्त्याकरिता विशेष मंजुरी आणण्यात आली. त्यापुढील संपूर्ण रस्ता हा ३.७५ मीटर रुंदीचा बनणार आहे. कवलेवाडा क्षेत्रामध्ये विविध विकासकामे घेण्यात आली असून डांबरी रस्त्याच्या कामांना लगेच सुरुवात होणार असल्याचे त्यांनी सांगितले.
कार्यक्रमाच्या अध्यक्षस्थानी माजी आमदार भजनदास वैद्य, जि.प. उपाध्यक्ष मदन पटले, जि.प. सदस्य रजनी कुंभरे, पं.स.सदस्य वी.एस. रहांगडाले, रमणिक सयाम, पवन पटले, भाजपा तालुकाध्यक्ष भाऊराव कठाणे, तुमेश्‍वरी बघेले, सलामभाई शेख, डॉ.चिंतामन रहांगडाले, डॉ.वसंत भगत, संजयसिंग बैस, सरपंच देवनबाई पारधी, जयसिंग ऊपासे, ललीत परिहार, शिवलाल परिहार, महादेव कटणकर, पिंटू रहांगडाले, मिलींद कुंभरे, निरज सोनेवाने, खुमेश बघेले, भुमेश्‍वर रहांगडाले, स्वानंद पारधी, कैलाश कटरे, सुधीर येळे, विवेक डोरे आदी उपस्थित होते.