नाल्यात वाहून गेलेल्या इसमाचे प्रेत आढळले

आलापल्ली,दि.09 : आलापल्ली येथील आठवडी बाजारात गेलेला इसम घराकडे परत जात असतांना नाल्यातील पाण्याच्या प्रवाहात वाहून गेला होता. दरम्यान कालपासून बेपत्ता असल्याने त्याचा शोध घेत असतांना नागेपल्लीजवळ त्याचा मृतदेह आज ९ ऑक्टोबर रोजी आढळून आला.
दिवाकर घोसाई सिडाम (४०) रा.मोद्दुमडगु ता.अहेरी असे मृतकाचे नाव आहे. काल दुपारी आठवडी बाजार करण्यासाठी मोद्दुमडगू येथून आलापल्ली येथे आला होता . बाजार करून परत जात असताना दिवाकर घोसाई सिडाम नाल्यातील पाण्यात वाहून गेला होता. अहेरी पोलिसांनी घटनास्थळ गाठून पंचनामा केला. अधिक तपास पोलीस उपनिरीक्षक वसंत चामे, हवालदार संतोष पवार करीत आहेत.