ब्रह्मपुरी : आरक्षण, क्रिमिलेयर, शिष्यवृत्ती व जनगणनेबाबत शासन- प्रशासनाकडून ओबीसी समाजावर प्रचंड अन्याय होत आहे. यामुळे केंद्र व राज्य शासनाच्या धोरणाविरुद्ध समाजात संतापाची लाट उसळली आहे. या अन्यायाच्या विरोधात जनआंदोलन उभारण्यात येणार असून त्याची पूर्वसूचना म्हणून प्रा. नामदेव जेंगठे यांच्या नेतृत्वात ओबीसींचे शिष्टमंडळ तहसीलदार यांना भेटले. पंतप्रधान व सामाजिक न्यायमंत्री यांना तहसीलदारांमार्फत मागण्यांचे निवेदन दिले.
शिफारशीनुसार ओबीसींना २७ टक्के आरक्षण लागू करण्यात आले असले तरी क्रिमिलेअरच्या घटनाबाह्य निकषामुळे व सक्षम अधिकारी यांचा चुकीचा अर्थ लावत असल्यामुळे ओबीसींना या आरक्षणाचा नगण्य फायदा होत आहे. तेच जातिनिहाय जनगणना, स्कॉलरशिप, ट्युशन फी, विकास निधी याबाबत शासनाची नकारघंटा आहे. केंद्र सरकारच्या कार्मिक विभागाने स्पष्टीकरण पत्र देवूनसुद्धा अधिकारी हेतुपूरस्पर चुकीचा अर्थ काढून नान क्रिमिलेअरमध्ये ओबीसींची अडवणूक करीत आहे. परिणामी युपीएससी २0१६ मध्ये रॅकींग झालेल्या जवळजवळ १२0 ओबीसी उमेदवारांची पोस्टींग अडवून त्यांना सनदी अधिकारी बनण्यापासून वंचित केले आहे. तसेच स्वतंत्र मंत्रालय, मतदारसंघ संख्येनुसार आरक्षण जातसूचीमध्ये बोगस ओबीसी यासारख्या ज्वलंत प्रश्नाकडे शासन हेतूपुरस्पर दुर्लक्ष करीत आहे. परिणामी केंद्र सरकारने ओबीसींच्या २७ टक्के जागांपैकी आजपर्यंत केवळ ५.५ टक्के जागा भरल्या आहेत. ओबीसींवर होत असलेल्या अन्याय- अत्याचाराला वाचा फोडण्यासाठी ओबीसी संघटनेने पंतप्रधान व सामाजिक न्यायमंत्री यांना उपविभागीय अधिकार्‍यांमार्फत मागण्यांचे निवेदन दिले असून जनआंदोलनाचा इशारा दिला आहे.
सदर शिष्टमंडळात प्राचार्य श्याम झाडे, प्राचार्य गिरीधर लडके, प्रा. राकेश तलमले, प्रा. डॉ. हितेंद्र धोटे, प्रा. अनिल कोडापे, प्रा. विजय पारधी, प्राचार्य सुभाष मेश्राम, अँड. हेमंत उरकुडे, अतुल राऊत, बंटी गोंडाणे, जगदिश पिलारे, पियुष गेडाम, आकाश राऊत, रवी मिसार आदी सहभागी झाले होते.

गोंदिया(berartimes.com):- जिल्हातील इलेक्ट्रोहोम्योपॅथी पदवीधारकांनी मेडीकल अशोसिएशन ऑफ इलेक्ट्रोहोम्योपॅथी जिल्हा गोंदिया च्या वतीने जिल्हाध्यक्ष डॉ के जी तुरकर यांच्या नेतृत्वात उप मुख्य कार्यपालन अधीकारी आर एल पुराम यांच्या उपस्थीतीत मा जिल्हा आरोग्य अधीकारीयांना निवेदन देण्यात आले.तसेच पोलीस अधिक्षक डाॅ.दिलीप भुजबळ पाटील यांनाही निवेदन देण्यात आले.जिल्हात बोगस डॉक्टर शोध मोहीम सुरु असल्याने ईएच च्या पदवीधारकांवर पोलीस प्रशासनाकडुन बोगस म्हणुन कार्यवाही करीत आहेत हि कार्यवाही त्वरीत थांबविण्यात यावी त्याकरीता पोलीस अधिक्षकांना निवेदन देण्यात आले. मुंबई उच्च न्यायालयाच्या निर्णया नुसार व शासनाच्या खुलाशा नुसार ईएच पदवीधारक एम एम पी अॅक्ट १९६१अंतर्गत नोंदणी शिवाय व्यवसाय करु शकतात म्हणुन होणार्या कार्यवाहीवर तोडगा काढण्याकरीता निवेदन देण्यात आले.
न्यायालयाच्या निर्णया नुसार आपल्यावर बोगस म्हणुन कार्यवाही होणार नाही पण आपण आपल्या पॅथी मध्येच प्राक्टीस करावे व आरोग्य विभागाला सहकार्य करुन रुग्णांची माहीती द्यावी. त्याच प्रमाणे संघटनेकडुन ईएच पदवीधारकांची यादी लवकरात लवकर आरोग्य विभागाला देण्यात यावे जेणेकरुन आढावा बैठकीत आपला प्रश्न मार्गी सोडवून बोगस डॉक्टरच्या यादीतुन ईएच पदवीधारकांचे नाव वगळण्याचे आश्वासन आरोग्य अधिकारी यांनी दिली.यावेळी संघटनेचे जिल्हा उपाध्यक्ष डॉ गणेश हरीणखेडे सचीव डॉ संतोष येवले सहसचीव डॉ बी एम पटले कोषाध्यक्ष डॉ राजेश तिवारी समन्वयक डॉ विनोद भगत डॉ सी एस भगत डॉ ओ टी भैरम डॉ गणेश बिसेन डॉ डोये डॉ बहेकार डॉ संदीप तुरकर डॉ एस एफ कटरे डॉ डी एल पटले डॉ जे टी रहांगडाले डॉ तरोणे डॉ ए के सैय्यद व गोंदिया जिल्यातुन सर्व तालुक्याचे पदाधीकारी व ईएच पदवीधारक असे दोनशे लोक ह्यावेड़ी प्रामुख्याने उपस्थीत होते।

गोंदिया : तालुक्यातील नागरा येथील प्रतिष्ठीत नागरिक तथा भाजपा कार्यकर्ते राजेश नागरीकर यांच्यावर प्राणघातक हल्ला करणाèया आरोपींवर मकोका अंतर्गत गुन्हा दाखल करून नागरा येथील अवैध व्यवसाय बंद करण्यात यावे, अशी मागणी भाजपातर्फे जिल्हा पोलीस अधीक्षकांना निवेदन देवून करण्यात आली.
भाजपाचे माजी जिल्हाध्यक्ष विनोद अग्रवाल यांच्या नेतृत्वात भाजपाच्या शिष्टमंडळाने पोलीस अधीक्षक डॉ. दिलीप भुजबळ पाटील यांची भेट घेवून त्यांना नागरा येथील हल्ला प्रकरण व अवैध व्यवसायामुळे नागरा या धार्मिक गावातील होणारी भंग होणारी शांतता त्यांच्या निर्देशनास आणून दिली. दरम्यान मागण्यांचे निवेदन सादर करण्यात आले.
निवेदनात म्हटले आहे, भाजपाचे सक्रीय कार्यकर्ते राजेश नागरीकर यांच्यावर आरोपी प्रितलाल उर्फ मुन्ना पतेहै रा. नागरा व त्याच्या साथीदारांनी २७ ऑगस्ट रोजी रात्री दीडच्या सुमारास राजकीय व सामाजिक व्देषातून प्राणघातक हल्ला केला. सुदैवाने यात ते बचावले. आरोपी हा नागरा येथे जुगार, दारू, गांजा विक्रीचा अवैध व्यवसाय चालवित असून याविरोधात यापूर्वी भाजपा कार्यकत्र्यांनी अनेकदा आवाज उठविला व पोलीस विभागाला तक्रार केली. आरोपी प्रितलाल पतेहै याच्यावर यापूर्वी देखील अनेक प्रकरणी पोलिसात गंभीर गुन्हे दाखल आहेत. त्याच्या अवैध व्यवसायामुळे व गुंडगिरीमुळे नागरा येथील धार्मिक वातावरणाला तडा जात असून गावातील शांतता भंग होत आहे. याबाबत आपण पोलीस विभागाकडे वारंवार तक्रार करीत असल्याने, तसेच राजकीय व सामाजिक व्देषातून राजेश नागरीकर यांच्यावर आरोपीने प्राणघातक हल्ला केला. त्यामुळे या आरोपींवर मकोका अंतर्गत कार्यवाही करण्यात यावी. तसेच नागरा येथील अवैध व्यवसाय बंद करण्यात यावे.
निवेदन देतांना भाजपा माजी जिल्हाध्यक्ष विनोद अग्रवाल, राजेश नागरीकर, संजय मुरकुटे, सुभाष मुंदडा, पंकज सोनवाने, अजीत टेंभरे, अरqवद हरडे, गणेश पारधी, नोखलाल पाचे, मदनलाल चिखलोंडे, रणजितqसह गौर, दिनदयाल गायधने, अनिल रहांगडाले, योगेंद्र हरिणखेडे, बाबा चौधरी, देवानंद पटले, परसराम हुमे, मगनलाल ढेकवार, राजकुमार ढेकवार, बिहारीलाल लिल्हारे, मुकेश भेदरे, घनश्याम लिल्हारे, महेश चिखलोंडे, तेजलाल बघेले, नरेश बघेले, धन्ना बडगे, दिगंबर बनोटे, प्रदिप चौधरी, धनलाल बघेले, लक्ष्मण चौधरी, रूपेश दमाहे, दुर्गेश भोयर आदी उपस्थित होते.

गोंदिया, दि.२९ :- नाविन्यपुर्ण तंत्रज्ञानाच्या आधारे मानवी प्रत्यारोपणाव्दारे विविध गंभीर आजारांवर उपचार साध्य होत आहे. अवयवदानाअंतर्गत लाईव्ह ऑरगन डोनेशनव्दारे किडनी व लिव्हर प्रत्यारोपण करण्यात येते. मस्तिष्क स्तंभमृत पश्चात किडनी, लिव्हर, लग्ज, हार्ट व त्वचा इत्यादी अवयव दान करण्यात येतात. पंतप्रधान नरेंद्र मोदी यांनी देखील अवयव दानाचे महत्व जाणून रुग्णसेवेसाठी मोठया प्रमाणात अवयवदान जागृती करण्यासाठी अभियान राबविण्यात येणार असल्याची माहिती शासकीय वैद्यकिय महाविद्यालयाचे अधिष्ठाता डाॅ.अजय केवलिया यांनी पत्रकार परिषदेत आज सोमवारला दिली.पत्रपरिषदेला जिल्हा शल्यचिकित्सक डाॅ.देवेंद्र पातुरकर, जिल्हा माहिती अधिकारी विवेक खडसे यांच्यासह वैद्याकिय महाविद्यालयाचे प्रा.डाॅ.कांबले,प्रा.डाॅ.रुखमोडे,डाॅ.जायस्वाल यांच्यासह वैद्यकिय अधिकारी उपस्थित होते.
सद्यस्थितीत राज्यात सुमारे १२ हजार पेक्षा जास्त रुग्ण अवयव मिळण्याच्या प्रतिक्षेत आहेत. जनतेतून अवयवदानाला चालना मिळावी यासाठी ३० ऑगस्ट ते १ सप्टेंबर २०१६ या कालावधीत महा अवयवदान अभियान- २०१६ राबविण्यात येणार आहे.
या अभियानात महा अवयवदानाबाबत जागृती करण्यासाठी वैद्यकीय शिक्षण, सार्वजनिक आरोग्य, उच्च व तंत्र शिक्षण, महसूल, गृह, माहिती व जनसंपर्क या विभागाच्या सहकार्याने व समन्वयाने विविध उपक्रम राविण्यात येणार आहे.
मानवाला डोळे, त्वचा, यकृत, दृदय मुत्रपिंड व प्लिहा यासारख्या अवयवांची भेट मिळाली आहे. निसर्गाने दिलेली ही अवयवरुपी भेट मृत्यूनंतरही इतर गरजू रुग्णांना दान करता येवू शकते. मृत्यूच्या उंबरठयावर उभ्या असलेल्या अनेक रुग्णांना अवयवदानामुळे दुसरे जीवन जगण्याची संधी मिळू शकते.
महा अवयवदान अभियानातून जास्तीत जास्त लोकांनी सहभागी होवून अवयवदान करावे व मृत्यूच्या उंबरठयावर असलेल्या असंख्य रुग्णांना जीवनदान दयावे असे आवाहन शासकीय वैद्यकीय महाविद्यालयाचे अधिष्ठाता डॉ. अजय केवलीया यांनी केले आहे. अवयवदानाचे महत्व जाणून रुग्णसेवेसाठी अवयवदान करुन अनेक रुग्णांना जीवन जगण्याची संधी मिळवून देणा-या महा अवयवदान अभियानानिमित्त ३० ऑगस्ट रोजी रॅलीचे आयोजन करण्यात आले आहे.
सकाळी ८.३० वाजता शासकीय वैद्यकिय महाविद्यालय येथे गोंदिया शहरातील विविध शाळांचे विद्यार्थी तसेच शासकीय वैद्यकिय महाविद्यालयाचे विद्यार्थी,अधिकारी,प्राध्यापक व कर्मचारी वर्ग एकत्र होतील. तेथून अवयवदानाची जनजागृती करीत रॅली नेहरु चौक, गोरेलाल चौक, शहर पोलिस स्टेशन, गांधी पुतळा, जयस्तंभ चौक, जिल्हा न्यायालय मार्गे बाई गंगाबाई शासकीय स्त्री रुग्णालय येथे पोहोचेल. या रॅलीमध्ये सहभागी विद्यार्थी अवयवदानाचे महत्व पटवून देणा-या घोषणा देतील.मुलांच्या हाती असलेले संदेश फलक अवयवदानाचे महत्व पटवून देतील.
३१ ऑगस्ट रोजी शासकीय महाविद्यालय येथे सकाळी ८.३०ते सायंकाळी ६ वाजेपर्यत महा अवयवदान या विषयावर रांगोळी स्पर्धा, अवयवदान-महान कार्य या विषयावर सकाळी ११ ते दुपारी १२ या वेळेत शासकीय महाविद्यालयाचे व्याख्यान कक्षात निबंध स्पर्धेचे आयोजन करण्यात आले आहे. दुपारी १२.३० वाजता अवयवदान- महान कार्य या विषयावर वक्तृत्व स्पर्धा तसेच पोस्टर्स स्पर्धेचे आयोजन करण्यात आले आहे. स्पर्घे सहभाग घेऊ इच्छिणा-या स्पर्धकानी आवश्यक साहित्य सोबत आणावे.
१ सप्टेंबर रोजी शासकीय वैद्यकिय महाविद्यालय येथे सकाळी ८.३० ते सायंकाळी ६.०० या वेळेत रक्तदान शिबीर, अवयवदान अभियानाअंतर्गत मानवी अवयव प्रत्यारोपण कायदा या विषयी कायदेतज्ञ व न्यायवैद्यकशास्त्र तज्ञ यांचे व्याख्यान, अवयवदान नोंदणी शिबीर,अभियानाअंतर्गत उत्कृष्ठ काम करणा-यांचा सत्कार व महा अवयवदान जनजागृती अभियानाचा समारोप करण्यात येणार आहे.