मुंबई-शरद पवारांवर आम्ही विश्वास ठेवत नाही. पवार जे बोलतात ते कधीच करत नाहीत आणि करतात ते बोलत नाहीत असा इतिहास आहे, अशा खोचक शब्दांत शिवसेना पक्षप्रमुख उध्दव ठाकरे यांनी शरद पवारांना लक्ष्य केले. राज्यात स्थिर सरकार यावे म्हणून पाठिंबा देण्याचे वक्तव्य करणारे पवार आज मध्यावधी निवडणुकीला सामोरे जाण्यास तयार राहण्याचे विधान करतात. त्यामुळे पवार कधी काय बोलतात हे त्यांच्याच लक्षात राहत नाही. मतदार राजा पवार साहेबांना माफ कर, पवार काय करतात आणि काय बोलतात हे त्यांना कळत नाही, असा उपरोधिक टोला उध्दव यांनी पवारांना लगावला तर, ज्यांच्याबरोबर गेली २५ वर्षे राहिलो ते या निवडणुकीत आमच्या विरोधात लढले आणि आम्ही ज्यांच्या विरोधात होतो त्यांना ते सोबत घेत आहेत. त्यामुळे दुर्देवाने कोण कोणाबरोबर आहे ते कळतच नाही, अशी उध्दव यांनी भाजपवर टीका केली.

नागपूर : विधिमंडळाच्या अधिवेशनासाठी विधानमंडळ सचिवालयासह हैद्राबाद हाऊस तसेच मंत्रिमहोदय व वरिष्ठ अधिकार्यांचे कार्यालय व निवास व्यवस्था सज्ज ठेवा, अशा सूचना विभागीय आयुक्त अनूप कुमार यांनी दिल्यात. विभागीय आयुक्त कार्यालयाच्या सभागृहात विधिमंडळ अधिवेशनासंबंधी करावयाच्या विविध विभागांच्या कार्यालय तसेच निवास व्यवस्थेसंदर्भात विभागीय आयुक्त अनूप कुमार यांनी वरिष्ठ अधिकाºयांच्या बैठकीत आढावा घेतला. यावेळी जिल्हाधिकारी अभिषेक कृष्णा, मुख्य कार्यपालन अधिकारी शिवाजीराव जोंधळे, महसूल विभागाचे उपायुक्त एम. ए. एच. खान, सामान्य प्रशासन विभागाचे उपायुक्त आप्पासाहेब धुळाज, महानगरपालिकेचे अप्पर आयुक्त हेमंत पवार, माहिती संचालक मोहन राठोड, सार्वजनिक बांधकाम विभागाचे मुख्य अभियंता अजित सगणे, कार्यकारी अभियंता पी. डी. नवघरे, उपजिल्हाधिकारी निशिकांत सुके, स्वागताधिकारी प्रकाश पाटील तसेच विविध विभागांचे जिल्हा प्रमुख उपस्थित होते. विधिमंडळ अधिवेशनासाठी निवास व अत्यावश्यक सुविधा उपलब्ध करुन देतांना अतिरिक्त खर्च टाळण्याच्या सूचना करतांना विभागीय आयुक्त अनूप कुमार म्हणाले की, रविभवन, नागभवन आदी शासकीय निवासस्थानाच्या परिसरात विधिमंडळासाठी आवश्यक सुविधांचा नियमित आढावा घेण्यात येईल. तसेच अधिवेशनापूर्वी किमान आठ दिवस संपूर्ण व्यवस्था सज्ज असेल यादृष्टीने सार्वजनिक बांधकाम विभागाने कामांचे नियोजन करावे. या परिसरात स्वच्छता ठेवण्यासोबतच वाहतूक व्यवस्था निश्चित करावी, असेही त्यांनी सांगितले. मंत्रिमंडळातील सदस्यांसाठी रविभवन येथे निवास व्यवस्था असून वरिष्ठ अधिकाºयांसाठी शहरातील शासकीय तसेच निमशासकी य विभागांच्या विश्रामगृहामध्ये व्यवस्था करण्यात येणार आहे. या सर्व विश्रामगृहात असलेल्या आवश्यक सुविधांची माहिती यावेळी देण्यात आली. सचिव तथा वरिष्ठ प्रशासकीय अधिकाºयांच्या निवास व्यवस्थेसाठी आढावा यावेळी घेण्यात आला. विधिमंडळ अधिवेशनादरम्यान आमदार निवास ते विधानमंडळ सचिवालय येथे एस. टी. महामंडळातर्फे वाहतूक व्यवस्था, महानगरपालिकेतर्फे या परिसराची नियमित स्वच्छता, अग्मिशमन व्यवस्था, विद्युत व्यवस्था. तसेच माहिती व जनसंपर्क विभागातर्फे तयार करण्यात येणाºया दूरध्वनी पुस्तिकेच्या कामांचा यावेळी आढावा घेण्यात आला.

नागपूर – भाजपा आणि शिवसेनेमध्ये युती व्हावी यासाठी राष्ट्रीय स्वयंसेवक संघाचे सरसंघचालक मोहन भागवत यांनी पुढाकार घेतल्याचे वृत्त आहे. सरकार वाचवण्यासाठी राष्ट्रवादी काँग्रेसचा टेकू घेण्यावरुन भाजपावर चोहोबाजूंनी टीका होत असतानाच आता मोहन भागवत मैदानात उतरल्याने भाजप – शिवसेनेमध्ये पुन्हा युती होण्याच्या आशा पल्लवीत झाल्या आहेत.
सत्ता स्थापनेत शिवसेनेसोबतची चर्चा फिस्कटल्यावर भाजपाने आवाजी मतदानाने विश्वासदर्शक ठराव जिंकून सरकारला तारले आहे. भाजपाने उघडपणे राष्ट्रवादीचा पाठिंबा घेण्याची नाचक्की टाळली असली तरी भविष्यात राष्ट्रवादीच्या टेकूने सरकार चालवण्यास भाजपातील एक गट विरोधात आहे. तर शिवसेनेतील अनेक आमदारही सत्तेत सहभागी होण्यासाठी तयार आहेत. अखेरीस सरसंघचालक मोहन भागवत यांनी शिवसेना – भाजपमध्ये पुन्हा युती व्हावी यासाठी प्रयत्न सुरु केल्याचे समजते. यासंदर्भात उद्धव ठाकरे आणि भागवत यांच्यामध्ये फोनवर चर्चा झाल्याचे सूत्रांनी सांगितले. पंतप्रधान नरेंद्र मोदी ऑस्ट्रेलिया दौ-यावरुन परतल्यावर याविषयी सकारात्मक निर्णय घेतला जाईल असे आश्वासनही भागवत यांनी दिल्याचे एका वृत्तवाहिनीने म्हटले आहे. त्यामुळे भागवत शिवसेना – भाजपामध्ये समेट घडवण्याच यशस्वी होतात का याकडे सर्वांचे लक्ष लागले आहे.